GMWW Great Movies We Watched
Murattu Kaalai (முரட்டுக்காளை) 1980
කාලෛයන් සහෝදරයින් සිව් දෙනෙකුට වැඩිමල් සහෝදරයා ය. ඔහු ප්‍රදේශයේ සුප්‍රසිද්ධ ගොන් පොර කරුවෙකි. එසේම කාලෛයන් යනු ගෞරවනීය ලෙස ජීවත් වන, අයුක්තිය අසාධාරණ නොඉවසන, නිර්භීත සහ බුද්ධිමත් මිනිසෙකි.
කාලෛයන් සතු අක්කර පහක ඉඩමක් පිහිටා තිබෙන්නේ මෙම සුන්දරවේලුට අයිති ඉඩම් දෙකක් අතර මැදය. ගමේ දුප්පත් මිනිසුන්ගේ ඉඩම් අයුතු සහගත ලෙස අත්පත් කරගනිමින් සිටින ජමින්දාර්ට තම ඉඩම් දෙකට යාබදව පිහිටි කාලෛයන් සතු ඉඩමද අයිති කරගැනීමට අවශ්‍ය වෙයි. සුපුරුදු පරිදි සාමාන්‍ය ගැමියන් කෙරෙහි යොදන උපාය කාලෛයන් ඉදිරියේ අසාර්ථක වීම නිසා ජමින්දාර් සුන්දරවේලුගේ කළමණාකරු වන සාමිපිලෛ විසින් කාලෛයන් හසු කර ගැනීම පිණිස අපූරු උපායක් යෝජනා කරයි.
S.P. මුතුරාමන් විසින් අධ්‍යක්ෂණය කරන රජිණිකාන්ත් සහ කමල් හාසන් දෙදෙනාම රඟපාන චිත්‍රපටියක් තමාගේ සමාගමෙන් නිෂ්පාදන කිරීම සුප්‍රසිද්ධ AVM Productions හි අධිපති A.V. මෛයප්පන් මහතාගේ අභිප්‍රායක්ව පැවතුණි. ඔහු විසින් එය S.P. මුතුරාමන් අධ්‍යක්ෂකවරයාට පවසන ලද නමුත් චිත්‍රපටියක වැඩ කටයුතු ඇරඹීමට පෙර A.V මෛයප්පන් මහතා අභවප්‍රාප්ත විය. ඔහුගේ අවසන් ඉල්ලීම ඉටු කරන්නට නොහැකි වීම පිළිබඳව මුතුරාමන් මහතා දැඩි ලෙස කම්පාවට පත්වූයේ ය.
එසේම AVM ප්‍රඩක්ෂන්ස් යටතේ රජිණිකාන්ත් රඟපෑ පළවෙනි චිත්‍රපටිය මෙම චිත්‍රපටිය වන අතර එය රජිණිකාන්ත්ගේ ද දීර්ඝකාලීන බලාපොරොත්තුවක් සඵල වීමකි. මුරට්ටු කාලෛ චිත්‍රපටිය යනු සාමාන්‍ය නළුවෙක්ව සිටි රජිණිකාන්ත් ඇක්ෂන් හීරෝ කෙනෙක් සහ සහ සුපර්ස්ටාර් කෙනෙක් බවට පත්කිරීම සඳහා අඩිතාලම දැමූ චිත්‍රපටිය ද වනවා.
ඉලෛරාජා මාස්ටර් විසින් චිත්‍රපටියේ සංගීතය අධ්‍යක්ෂණය කර තිබෙන අතර මැලේසියා වාසුදේවන් විසින් ගායනා කලරජිණිකාන්ත්ගේ රංගනය ජීවිතේ ‘රඟපෑම’ වෙනුවෙන් ඔහු වඩාත්ම සාධාරණයක් ඉෂ්ඨ කලේ එනම් සැබැවින්ම ඔහු රඟපෑවේ හැත්තෑව සහ අසූව දශක වලත් අනූව දශකයේ මුල භාගයේත් චිත්‍රපටි වල පමණක් යැයි කීම වරදක් නොවේ යැයි සිතමි. 1992 වසරේ තිරගත වුනු මන්නන් චිත්‍රපටියෙන් පසුව රජිණිකාන්ත්ගේ සිනමා ජීවිතය උඩු යටිකුරු වුනා. එතෙක් කාලයක් ඔහුව දේවත්වයෙන් අදහමින් සිට රසිකයින් එදා සිට ඔහුව නිශ්චිත සාමාජිකයෙක් ලෙස තමිල්නාඩු දේව සභාවට ඇතුළත් කිරීමට ක්‍රියා කිරීම හේතුවෙන් ඔහු චිත්‍රපටියක පෙනීසිටීම වුවද පමණක් සෑහුණු අතර ඔහු තුළ සිටි නළුවා ක්‍රමයෙන් අඩපණ වුනා.
විශේෂයෙන්ම 2010 වසරෙන් පසු එම පැරණි රජිණිකාන්ත්ගේ ශේෂයන් සෙවණැලි ලෙස නැවත සිනමාවට ගෙන ඒමට යම් උත්සාහයක් හෝ දැරුවේ Pa. රන්ජිත් විසින් අධ්‍යක්ෂණය කළ කබාලි සහ කාලා චිත්‍රපටි ද්විත්වය තුළින් පමණක් බවද කණගාටුවෙන් වුවත් පැවසිය යුතුයි.
