GMWW Great Movies We Watched
Happy Birthday (2022) Sinhala by Ruwishan Vimukthi
ෆිල්ම් එක පැය එක හමාරයි. එක ලොකේෂන් එකක ඔක්කොම වෙන්නේ. සිද්ධි උඩින් පල්ලෙන් පනින්නැතුව ලස්සනට එක පෙළට ගලාගෙන ගියා, රඟපාන හැමෝගෙන ඇක්ටින් මරු.
ඒ උනාට ෆිල්ම් එක පට්ට නෑ!
සාමාන්‍යයෙන් ලංකාවේ ෆිල්ම් එකක් නාන ගොඩක් තැන් මේකෙන් මගඅරවගෙන තිබ්බා. ලංකාවට Fresh concept එකක්, කතාවත් හොඳයි, Plot holes අඩුයි, සිද්ධි ගැලපීමත් හොඳයි, පැය එක හමාරම කම්මැලි නැතුව බලං ඉන්න පුලුවන්, cringe ගතිය අඩු ඩයලොග්ස් තිබ්බා, ලොකුවට නැතත් ඉස්සරහට වෙන්නෙ මොකක්ද කියන කුතුහලය තිබ්බා. රඟපාන සෙට් එකම මරු. පොඩි ළමයගෙ ඉඳන් දිල්හානි වෙනකංම විදින්නැතුව ලස්සනට වැඩේ කරලා තිබ්බා.
හැබැයි ඔය ඔක්කොම උනා කියලා ඒක ෆිල්ම් එකක් වෙන්නෑ. ෆිල්ම් එකක් නං මේක ෆිල්ම් එකක් කියලා දැනෙන්න ඕන. විශේෂයෙන්ම theater එකකින් බලද්දි සාමාන්‍යයෙන් youtube වලින් වගේ බැලෙන ශෝර්ට් ෆිල්ම්ස් පවා පට්ටම cinematic විදියට පේන්න හදන රටක, පැය එක හමාරක් තිස්සෙ දඩ ස්ක්‍රීන් එකක බලලත් අර ලොකු හැඟීම ආවේ නෑ කියන්නෙ, මොකක් හරි පොඩි අවුලක් තියෙනවා. අර TV වල යන්නෙ ටෙලි සිනමා සිත්තම් කියලා, පොඩි එහෙම vibe එකක් ආවා මේකෙන්. ෆිල්ම් එක බලලා ඉවර උනු ගමන්ම ඔලුවට ආවේ ‘යකෝ මේක හදන්න ලක්ෂ 50 ක් වත් යන්නැතුවැතිනේ” වගේ එකක්. හැබැයි සල්ලි අවුලමත් නෙවෙයි, ඊට එහා ගිය අමුතු සීන් එකක් තිබ්බෙ මේකෙ. මොකද U turn, ධර්ම යුද්ධය, තාල වගේ ෆිල්ම්ස් හදපු සිරසට ලොකු ස්ක්‍රීන් එකකට ෆිල්ම්ස් හදනවා කියන්නෙ මහ ආධුනික දෙයක් නෙවෙයි. ඒත් මේක මෙහෙම උනේ ඇයි කියලා හිතාගන්න බෑ.Screenplay එක පවා වරදක් නෑ. මැද්දෙ අර සේවිකාවගෙන් දෙන්න යන ට්විස්ට් එක මුලදිම අවුල් කරගන්නවා, ඒක නං ඩිරෙක්‍ටර්ගෙ අවුලක්, පස්සෙ ගාර්ඩ්න් එකේ බංකුවක් උඩ නිකං තුවක්කුවක් තියෙනවා, බැමි ලිහාගෙන දුවව දාලා අම්මා දුවනවා වගෙ අභව්‍ය සීන් කිහිපයක් තිබ්බත්, ඇත්තටම ඩිරෙක්ටින් පවා හොඳයි.
අර අවුල තමා තියෙන්නෙ ඉතින්.
මේක නරක ෆිල්ම් එකක් නෙවෙයි, හැබැයි හෙනම හොඳ එකකුත් නෙවෙයි! මේක තව ටිකක් thriller වෙන්න, ෂොක් වෙන්න, බය හිතෙන්න කරන්න තිබ්බා කියලත් හිතෙනවා. හැබැයි ඉතින් අර මාතෘත්වයට පිදෙන කියලා ටැග් ලයින් එකකුත් දාගෙන, ෆැමිලි ඕඩියන්ස් වලට කරපු ෆිල්ම් එකක් විදියට ඒවා ටිකක් අමාරු ඇති. සූර්යගෙ ඇක්ට් එක එහෙම කරන්න දීපු එකම ලොකු දෙයක්. (මිනිහා හොඳටම චරිතෙ කරනවා)බලන්න, කිසිම අවුලක් නැතුව බලං ඉන්න පුලුවන්. පැය එක හමාර සුටුස් ගාලා යනවා. හැබැයි අන්තිමට ලොකු impact එකක් නං එන එකක් නෑ. ඒ උනාට ලංකාවේ එන ගොඩක් ෆිල්ම්ස් වලට වඩා නං මේක හොඳයි.
Edit : අහ් මේක රීමේක් එකකුත් නෙවෙයි. මේ වගේ ගෙට පැනලා නිවැසියො බය කරලා මේ විදියට යන ෆිල්ම්ස් ගොඩක් තියෙනවා හොලිවුඩ් සහ ඉන්දියාවේ. Inspire වෙලා ඇති, concept එක ගන්නත් ඇති, හැබැයි රීමේක් නං නෙවෙයි!
