GMWW Great Movies We Watched
Bengali Literature to Cinema part 3 by Madushi Jayasundara
**බෙංගාල සාහිත්‍යෙන් සිනමාවට ලිපිය -03 **
**”සිනමාව සාහිත්‍යයට වහල්ව සිටී (ඔහුගේ වචන වලින් ‘චායාචිත්‍ර’)”යනුවෙන්, වරෙක රබීන්ද්‍රනාත් තාගෝර්තුමන් විසින් ලියා තැබීය.**
**ඉන්දියානු සිනමාව උදෙසා,සාහිත්‍යයෙන් වඩා සමීප සබදතාවයක් ගොඩනගා ඇත්තේ බෙංගාලි සාහිත්‍යයි.සාහිත්‍යයේ සාරය වචනයෙන් හා සිනමාව තුලදී දෘශ්‍ය රූප තුලින් නිරූපනය කෙරේ.එදිනෙදා ජීවිතයේ ඇති විවිධත්වය, දුප්පත්කම ,කුල භේද වැනි ගැටලු,සමාජීය අර්බුධ,ආර්තික සහ දේශපාලනික අස්ථාවරත්වයන් වැනි,මිනිසුන්ගේ කතා කල හැකි සත්‍ය ගැටලු,කරුනු මුල්කරගනිමින්,බොහෝ විට බෙංගාල සාහිත්‍ය යේ පත පොත ලියවී තිබේ.**
**එහි කතුවරුන් උත්සහ දරමින් සිටියේ,මිනිසුන් තුල නව දැක්මක් චින්තනයක් නිර්මානය කිරීමයි.නවකථා කෙටිකතා,සගරා ලිපි ලෙස එලිදැක්වූ සාහිත්‍ය අංගයන් ඉන්පසු සිනමාව හරහා ජනතාව අතරට යාමටත් මුල්වූයේ,එහි වූ අන්තර්ගතයන් තුල වූ,මහත් වටිනාකම් නිසාය.**
**සිනමාව හරහා සාහිත්‍ය ජනතාව අතරට වඩා සමීප විය.බෙංගාලයට පමනක් සීමා නොවී,ඉන්දියාවේ විවිධ භාශාවන් වෙත පරිවර්තනය සහ අනුවර්තනය වෙමින් ඔවුන්ගේ වටිනා සාහිත්‍ය දේශය තුලම මුල්බැසගත්තේය,එපමනක් නොව,විදේශයන් තුලත්,විවිධ භාශාවන් තුලින්, බෙංගාල සාහිත්‍ය නිර්මානයන් එලිදැක්වූ අතර,ඔවුන් දේශීයව මෙන්ම,විදේශීයවද පාඨකයා ඒ ඔස්සේ තම ග්‍රහනයට ලක්කරගන්නට සමත් විය.අතීතයේ සිට වර්තමානයත්,වගේම අනාගතයේදීත් බෙංගාල සාහිත්‍ය ඇසුරු කරගනිමින් තවත් බොහෝ චිත්‍රපට රූපවාහිනි නාට්‍ය,වාර්තා චිත්‍රපට සහ තවත් බොහෝ දෑ නිර්මානය වේවි.**
අදත් ඔවුන්ගේ වටිනා සාහිත්‍ය ඇසුරු කරගනිමින්,ඉන්දියාව තුල විවිධ භාශාවලින් නිර්මානය වූ චිත්‍රපට කිහිපයක් ගැන තොරතුරු බෙදාගන්නම්.
**Shaheb Bibi Golam – Bimal Mitra **
**බිමල් මිත්‍රා (1912-1991)** යනු බෙංගාල ලේඛකයෙකි. ඔහු බෙංගාලි භාෂාවෙන් මෙන්ම හින්දි බසින් ද ලිවීමට එක හා දක්ශ වූ අතර,ඔහු විසින් නවකතා හා කෙටි කතා සියයකට වඩා ලියා තිබේ.බිමල් මිත්‍රගේ නවකතා බොහොමයක් සාර්ථක චිත්‍රපට බවට පත් වී ඇත.ඔහු ලියූ කෘති අතරින් ඉතා ජනප්‍රිය කෘතියක් වන **”ෂාහීබ් බිබි ගෝලම්,”** පසුව ඉතා ජනප්‍රිය චිත්‍රපටයක් බවට පත්ව තිබේ.හොඳම කතාව උදෙසා ,එම චිත්‍රපටය වෙනුවෙන් ඔහු ෆිල්ම් ෆෙයාර් සම්මානයටද පාත්‍ර විය.එමෙන්ම **”අසාමි හසීර්”** බිමල් මිත්‍රගේ තවත් ජනප්‍රිය කෘතියකි. මෙම නවකතාව දුරදර්ශන් රූපවාහිනි නාලිකාව ඔස්සේ, රූපවාහිනී කතා මාලාවකට අනුවර්තනය කරන ලදි.
**“Sahib Bibi Aur Ghulam “** 1962 දී හින්දි භාෂාවෙන් නිෂ්පාදනය කරන ලද චිත්‍රපටයක් වන අතර,එය අධ්‍යක්ෂණය කළේ අබ්රාර් අල්වි විසිනි. එය නිෂ්පාදනය කළේ ගුරු දත් විසින් වන අතර,එහි මීනා කුමාරි, වහිදා රෙහෙමාන් සමඟ ගුරු දත් රංගනයෙන් දායක විය.
**Noukodubi – Rabindranath Tagore**
**Noukodubi **යනු 1906 දී රවින්ද්‍රනාත් තාගෝර් විසින් රචිත බෙංගාලි නවකතාවකි.මෙම නවකතාව ප්‍රථමයෙන් ප්‍රකාශයට පත් වූයේ රවින්ද්‍රනාත්ගේ කර්තෘත්වය යටතේ පැවති බෙංගාලි සාහිත්‍ය සඟරාවක් වන බංගදර්ශන් හි ය.මෙම නවකථාව ඇසුරෙන් චිත්‍රපට සහ නාට්‍ය කිහිපයක් නිර්මානය වී තිබේ.
* Milan (1946)
* Mathar Kula Manickam(1956)
* Charana Daasi(1956)
* Ghunghat (1960)
* Oka Chinna Maata (1997)
* Noukadubi(2011)
* **මිලාන්** යනු 1946 දී නිතින් බෝස් විසින් අධ්‍යක්ෂණය කරන ලද හින්දි චිත්‍රපටයකි. මෙම චිත්‍රපටයේ දිලිප් කුමාර්, මිරා මිස්රා, රංජන, පහරි සන්යාල් සහ මෝනි චැටර්ජි රංගනයෙන් දායක වූහ.
* **Ghunghat (1960)** යනු 1960 හි හින්දි චිත්‍රපටයක් වන අතර, එය රමානන්ද් සාගර් විසින් අධ්‍යක්ෂණය කරන ලදී.ජෙමිනි චිත්‍රාගාරයෙන් එස්එස් වාසන් විසින් නිෂ්පාදනය කරන ලදී. මෙම චිත්‍රපටයේ භාරත් භූෂන්, ප්‍රදීප් කුමාර්, බිනා රායි, ආශා පරේක්, ලීලා චිට්නිස්, රාජේන්ද්‍රනාත්, රෙහ්මන් සහ ආගා රංගනයෙන් දායක වේ. එය 1906 දී රබීන්ද්‍රනාත් තාගෝර්ගේ බෙංගාලි කතාව වන **Noukodubi**හි අනුවර්තනයකි.
* **චරණ දාසි** යනු 1956 දී ඉන්දියානු තෙළිඟු භාෂාවෙන් නිපදවූ චිත්‍රපටයක් වන අතර,එය වෙම්පති සදාසිවබ්‍රහ්මම් විසින් රචනා කරන ලද අතර, අධ්‍යක්ෂණය කළේ ටී ප්‍රකාශ් රාඕ විසිනි.මෙම චිත්‍රපටය පදනම් වී ඇත්තේ රවින්ද්‍රනාත් තාගෝර්ගේ 1906 බෙංගාලි නවකතාව වන **Noukodubi **මතය. එය එකවර දෙමළ භාෂාවෙන් “**මාතර් කුල මානික්කම්” (1956) **ලෙසද සාදන ලදී.
* **”Oka Chinna Maata“** යනු 1997 දී ඉන්දියානු තෙළිඟු භාෂාවෙන් නිමවූ ආදර චිත්‍රපටයක් වන අතර එය ශිව වෙන්කටේෂ්වර කලා චිත්‍රපට බැනරය යටතේ,බී. එහි ජගත්පති බාබු, ඉන්ද්‍රජ සහ රංගනයෙන් දායක වන අතර, සංගීතය භාරද්වාජ් විසිනි. මෙම චිත්‍රපටය බොක්ස් ඔෆිස් හි සුපිරි ජයග්‍රහණයක් ලෙස වාර්තා විය.1906 දී රබීන්ද්‍රනාත් තාගෝර්ගේ නවකදුබි නවකතාව පදනම් කරගත්,මෙය චර්ණ දාසි (1956)චිත්‍රපටයෙන් ආභාෂය ලැබීය.
* **Noukadubi(2011) **යනු බෙංගාලි චිත්‍රපටයකි,එය රිතුපර්ණෝ ඝෝෂ් විසින් අධ්‍යක්ෂණය කරන ලද අතර එය 2011 ජනවාරි මාසයේදී නිකුත් කරන ලදී.මෙම චිත්‍රපටය 1920 ගණන් වල පසුබිම් කරන ලද චිත්‍රපටයක් වන අතර,චිත්‍රපටිය තාගෝර්ගේ,Noukadubi නවකතාවෙන් ආභාෂය ලැබූවක් යැයි කියැවුණත් රිතුපර්ණෝ ඝෝෂ් විසින්,චිත්‍රපටය සදහා,කථාවෙහි වෙනස්කම් කර ඇතිබව කියවේ.
** Ras / Abataranika – Narendranath Mitra**
බෙංගාලි ලෙඛකයෙකු සහ කවියෙකු වන** නරේන්ද්‍රනාත් මිත්‍**රා (1917 ජනවාරි 30-1975 සැප්තැම්බර් 14) බෙංගාලි බසින් කෙටිකතා ලිවීම සදහා වඩාත් ප්‍රසිද්ධය.ඔහු මාධ්‍යවේදියෙක්, සංස්කාරකයෙක් ලෙසද,’ක්‍රිෂොක්’, ‘ස්වරාජ්’ ‘සත්‍යජුග්’ සඳහා සේවය කළේය.
* Mahanagar (The Big City)
* Saudagar (1973)
ඔහුගේ කතාවක් වන **අබතාරණිකා** කෙටිකථාව ඇසුරෙන්, 1964 දී සත්‍යජිත් රායි විසින් **Mahanagar (The Big City) **අනුවර්තනය කරන ලද අතර,එහි මාධබි මුඛර්ජි ප්‍රධාන චරිතය නිරූපනය කලේය.මෙම චිත්‍රපටය හින්දි සිනමාවේ ප්‍රමුඛ නිළියක වූ ජය භාදුරිගේ පළමු තිරය සනිටුහන් කළේය.
**රාස් **නවකථාව පදනම් කරගනිමින්, හින්දි චිත්‍රපටයක් වූ,**සෞදාගර් (1973) **නිර්මානය කරන ලද්දේ සුධෙන්දු රෝයි විසිනි, අමිතාබ් බච්චන් සහ නූටන් එහි රඟපෑවේය.
** Pandit Mashai / Biraj Bou – Sarat Chandra Chattopadhyay**
**සරත් චන්ද්‍ර චට්ටෝපාධ්‍යායිගේ, සුවිශේෂී ජනප්‍රියතාවය, ඉන්දියාවේ බොහෝ ප්‍රසිද්ධ ලේඛකයින් මෙන්ම,සාහිත්‍ය විචාරකයින් විසින් ද ඔවුන්ගේ ලේඛන තුළින් සහතික කර ඇත.ඔහුගේ කෘති නැවත මුද්‍රණය කිරීමෙන් ප්‍රකාශකයින්ට කිසි විටෙකත් වෙහෙසට පත් නොවීය.**
බෙංගාල සාහිත්‍යයේ කෘතීන් අතර ඔහුගේ කෘතීන් ,වඩාත්ම පරිවර්‍තනයට සහ , සහ වඩාත්ම අනුවර්තනයට ලක්විය.ඔහුගේ නවකතා චිත්‍රපට මාධ්‍යය තුළින් බොහෝ පුද්ගලයින් වෙත ලඟා වූ අතර ඔහු තවමත් ඉන්දීය සිනමාවේ වැදගත් බලවේගයකි.
**Biraj Bahu (1954)**
**Biraj Bahu** යනු 1954 දී හිටන් චෞද්රි විසින් නිෂ්පාදනය කරන ලද සහ බිමල් රෝයි විසින් අධ්‍යක්ෂණය කරන ලද,සහ සරත්චන්ද්‍ර චටෝපාධ්‍යාගේ බෙංගාලි නවකතාව” **Biraj Bou”** පදනම් කරගත් හින්දි චිත්‍රපටයකි.මෙම චිත්‍රපටය සඳහා කාමිනි කෞෂාල්, අභි භට්ටාචාර්ය සහ ප්‍රාන් රංගනයෙන් දායකවූ අතර,මෙම චිත්‍රපටය හොඳම විශේෂාංග චිත්‍රපටය සඳහා සමස්ත ඉන්දීය කුසලතා සහතිකය දිනා ගත්තේය.එමෙන්ම 1955 වසරේදී,හොදම චිත්‍රපට අධ්‍යක්ශනයට සහ හොදම නිලිය සදහා ෆිල්ම් ෆෙයාර් සම්මානය හිමිව තිබේ.
එකල වැඩිම වැටුප් ලබන නිළිය වූ මධුබාලා මෙම චිත්‍රපටයේ ප්‍රධාන චරිතය නිරූපණය කිරීමට මහත් උනන්දුවක් දක්වා තිබෙන අතර,මේ සඳහා ඇය කිහිප විටක්ම බිමල් රෝයිගේ කාර්යාලයට පැමිණ තිබේ. කෙසේ වෙතත්,චිත්‍රපටය සඳහා ඇය ඉහළ ගාස්තුවක් ඉල්ලනු ඇතැයි සිතූ ඔහු ඇය වෙනුවට කාමිනි කෞෂාල්ව චිත්‍රපටයට යොදාගෙන තිබේ.
**Khushboo (1975) **
**Khushboo** යනු 1975 දී තිරගත වූ ප්‍රසන් කපූර් විසින් නිෂ්පාදනය කරන ලද, ගුල්සාර් විසින් අධ්‍යක්ෂණය කරන ලද හිංදි චිත්‍රපටයකි.එහි ජීතේන්ද්‍ර, හේමා මාලිනී රංගනයෙන් දායක වූ අතර සංගීතය රචනා කළේ ආර්ඩී බර්මන් විසිනි.මෙම චිත්‍රපටය පදනම් වී ඇත්තේ ශරත් චන්ද්‍ර චට්ටෝපාධ්‍යාගේ] බෙංගාලි නවකතාව වන **පණ්ඩිත්මාශායිය.**
